Egidio Carella 1950

Piaseinza,
me quand a m’incant
in sal to prufil cl’è dur e gentil,
allura me cant :

i’enn bell ill to piazz, magnifich ill ces,
ill to bell ragazz con l’erre frances ;
la nebbia c’at quatta quand casca ill foi d’or
l’è tant cme’ l’uvatta ca sconda un tesor ;
visti’ ad nev, t’am par na spusa in sl’altar.

Piaseinza
Sa guard in dal scur al to prufil dur,
ma bell cme’ un incant,
ancora me cant :

Piaseinza, i to mur antigh e sever,
ch’i sann da sventur, d’amur e ad mister,
i’enn fatt ad timpesta, ad sul, ad dastein …
Al so visti’ ad festa
A l’è in finastrein
Duv gh’è du tress biond e un po’ d’usmarein …

Piaseinza, t’è bella …
Piaseinza, at voi bein ! …